Si visaiso di «Second life»?

Patrie on line

Abstract: nel 2007 La patrie dal Friûl parlava del fenomeno “Second Life” intervistando un avatar friulano, e prevedendo il flop del social network, ai tempi presente su tutti i giornali.

Si visaiso di «Second Life»? Intal Setembar dal 2007 la Patrie e veve intervistât un avatar furlan che al balinave in cheste realtât virtuâl su internet. Realtât che cumò si pues considerâ scuasit un flop, come che la Patrie e proviodeve: lait a leisi l’ultim toc di aprofondiment dapît dal articul,  dal titul «Business o bufulis?».

SECOND LIFE – CE ISAL? «Second Life» al è un mont virtuâl tridimensional che, come che al dîs il sît uficiâl http://www.secondlife.com al è “imagjinât, creât e possedût” dai utents che lu frecuentin.
Di fat ogni avatar al pues comprâ un teren, modificâlu, fâ sù cjasis e inventâ robis che, a pene creadis, a son di sô proprietât e duncje a podin sei vendudis a altris utents. La monede uficiâl e je il linden, dal non de societât che e à creât SL: la americane Linden Lab. Ogni dì miars di personis si cjatin tal mont virtuâl par interagjî come se a fossin tal mont reâl savint che daûr di ogni avatar e je une persone vere. Ma ce si puedial fâ su Second Life? Al è pussibil viodi concierts, partecipâ a events, viodi mostris e comprâ robe, ma soredut cognossi int di dut il mont e divertîsi! Par jentrâ in «Second Life» al baste lâ sul sît uficiâl, regjistrâsi e discjamâ il program par scomençâ a movisi tal mont virtuâl. Un account base al baste par scomençâ e nol coste nuie; un account premium invezit al coste 72$ par an (o 9,95$ par un mês) e ti da 1000 linden iniziâi e 300 ogni setemane.
Fintremai al mês di Lui dal 2007 i utents di SL (residents) a jerin passe vot milions tal mont (250 mil in Italie) e si spindevin plui di un milion e mieç di dollars (reâi) in dì. Tai ultims mês tantis aziendis e istituzions si son creadis une emanazion virtuâl su Second Life: da la Apple a la Sony, da la IBM a Gabetti, ma ancje il stes Di Pietro e Radio 24.

Un avatar furlan nus fevele di «Second Life»

Cemût ti clamistu?
Nemesis Giger

Om o femine?
Om

Prodots tecnologjics…

Sgarfe

Fasint la parodie des presentazions Apple, un librâr spagnûl al presente un prodot versatil e ecologjic: il libri. La presentazion e podeve jessi ancjemò miôr: il libri nol à pore di savalon o temperaturis, par esempli. Dutcâs, a reste une provocazion une vore ninine.

Tubo par catalan, e par furlan un tubo

Sgarfe

Abstract: il catalano è diventato la 31sima lingua di YouTube.

Il catalan al è deventât la 31e lenghe di Youtube. In Catalogne si è simpri pontât tant su internet dal pont di viste de presince de lenghe e i risultâts lu fasin viodi. Te politiche linguistiche al è ce tant impuartant leâ il concet di lenghe a chel di inovazion, e jessint internet percepît de int tant che inovazion asolude, al è stât un veicul sior par pandi chest leam.

Patrie di Dicembar on line

Patrie on line

Abstract: frasi tratte dalla Patrie di dicembre, ora on line.

A son on line i contignûts de Patrie di Dicembar. Frasis “top”:

Amato de Monte: (…) tal so libri a son diviers passaçs in lenghe furlane…
E je vere, anzit, lis primis peraulis che o ai scrit di chest libri a son stadis par furlan e a son chês dal incipit di chel che al è deventât il tierç cjapitul: e je la clamade che o ai vût cun Beppino Englaro cuant che al jere di lâ a cjoli Eluana. O scuen ameti che la idee di mantignî la lenghe furlane par scrivi chê telefonade e je stade de mê femine Cinzia Gori che e je toscane.

Guglielmo Pitzalis: La cuistion de nestre identitât e je une vore impuartante soredut se nus sburte a jessi plui atents aes identitâts di chei altris. I fîs di chei che vuê o considerìn forescj a saran i furlans di doman.

Booktrailer in marilenghe

Sgarfe

Abstract Il primo booktrailer in friulano: i Gnognosaurs

Il booktrailer dal gnûf libri dai Gnognosaurs, probabil il prin par un libri furlan. I dinosaurs dordei che a fevelin par furlan si cjatin in rêt li dal lôr blog, su Twitter, su Youtube e su Facebook.

Micru-libru

Sgarfe

Abstract Il blogger sardo Ivo Murgia ha pubblicato on line una raccolta di racconti brevi, consultabili in pdf sfogliabile.

Ivo Murgia, blogarin sardegnûl e colaboradôr de Patrie, al à publicât li di issuu.com une piçule racuelte di contis curtis: «Amigus, si presentu su primu ebook de micro-literadura in sardu!». Issuu (scuasit al samee un non propit par sardegnûl) al è un servizi che al permet di fâ su un libri sfueabil on line partint di un document in pdf. Il servizi al è sore nuie, baste iscrivisi. Lis 35 micro-contis a vegnin fûr di une rassegne leterarie organizade di Murgia sul so blog ache i an partecipât varis autôrs li che par cualchi mês a son stadis publicadis contutis di 10-12 riis, scritis pe ocasion. Come che si pues viodi se o lais sul sît, a è ancje une galarie cu lis publicazions fatis dai utents.

On line il gnûf sît par furlan de Provincie di Udin

e-Marilenghe

Abstract La recensione del nuovo sito della Provincia di Udine

Ae direzion http://furlan.provincia.udine.it la Provincie di Udin e à screât in Otubar lis sôs pagjinis par furlan. L’ent al à metût a disposizion dai citadins un gnûf mieç di comunicazion istituzionâl dut in marilenghe, i contignûts a van de storie dal Friûl ae comunicazion, de leterature a lis tradizions, fintremai a lis manifestazions storichis, cuntun voli ae scuele.
UN SÎT DOME PAL FURLAN_ La sielte de Provincie no je stade chê di voltâ une par une lis stessis pagjinis de version par talian in lenghe furlane, in maniere di vê dôs versions a spieli dal midiesim sît (opzion plui faturose ma plui auspicabile), ma si à volût risiervâ une sezion particolâr ai tescj in marilenghe.
Une note positive e je chê de sielte grafiche e de impagjinazion, che e je compagne in dut e par dut di chê de version par talian. Cheste sielte, che e podarès someâ fate par economie, e à l’efiet di no dâ la idee di une sezion «speciâl» metude in pîts par une minorance di citadins.
Par cumò i contignûts no son ancjemò numerôs, però o sperìn che la sezion e vedi un biel disvilup tal avignî.
PORDENON E GURIZE_ Nol è il prin pas che la Provincie di Udin e fâs in cheste direzion, ma a ce pont sono chês altris provinciis furlanis dal F-VJ?
Chê di Gurize e à cjapade la strade di vê trê versions simetrichis, par talian, furlan e sloven, ancje se a son une vore di pagjinis vuedis tes versions des lenghis minorizadis.
Il sît de Provincie di Pordenon al limite i contignûts in marilenghe ae sezion dal Sportel linguistic, ven a stâi une pagjine di gnovis e un archivi di filmâts dal TG par furlan metût sù dal Ent cui fonts de leç 482.