Doprâ internet cun sintiment

GNOVIS

Usgnot si davuelzarà a Glemone un incuintri une vore interessant. A lis 20.30, al Auditorium ISIS “R. D’Aronco”, Romeo Tuliozzi – Responsabil de Polizie Postâl di Udin – al fevelarà dai aspiets penâi tal utilizâ la rêt e lis altris gnovis tecnologjiis. Di une serie di incuintris cussì a varessin bisugne ducj: internet al è un mieç bielon, ma i vûs savût doprâlu. Sperìn che s’a nd fasin simpri di plui.

Lezions di furlan… par spagnûl

Sgarfe

Il blogarin argjentin-furlan Galliano De Agostini (te foto) al à vierzût un blog li che al insegne la lenghe furlane: «Taller de furlan». Lis lezions a son par spagnûl. La curiositât par nô e je che si pues cussì ripassâ il furlan imparant ancje un tic di spagnûl. Chest sì che al è insegnament veicolâr (CLIL)! Galliano al fâs ancje une trasmission radiofoniche in marilenghe: intitulade “Benvignude Furlanie”, e je in linee dutis lis sabidis a lis 11 oris di Buenos Aires (lis 16 in Italie) su Radio Magna.

La Union scritôrs furlans e scree il so blog

Sgarfe

Nuovo blog in lingua friulana: la Union scritôrs furlans apre il suo

Apene jessût il toc «Cemût cul blog?» sul gnûf numar de La Patrie dal Friûl, li che si dîs che i blog furlans a clopin un tic, ve che a ‘nd son stâts screâts un pâr di gnûfs. Daspò di chel de Associazion 1511, la Union scritôrs furlans e à vierzût il so blog. «L’implant dal blog al è une vore sempliç» al dîs il comunicâts stampe dât fûr pe vierzidure «Almancul par tacâ, si à pensât a jessudis setemanâls che, pe plui part, a proponaran recensions sei des gnovis produzions par furlan, sei di oparis classichis de leterature furlane.» Bon lavôr!