Il booktrailer dai Gnognosaurs

Chei dai Gnognosaurs a son forsit i prins booktrailer di libris par furlan. Dopo di chel dal an passât, ve chi chel dal gnûf libri dai Gnognosaurs: “Gnognowood”:

Advertisements

Apel pal messâl

Gnovis

Nol centre cu digjitâl, ma us proponìn vulintîr chest anunci par cjtâsi fûr dal virtuâl almancul inte ocasions de Fieste dai Patrons dal Friûl Macôr e Fortunât.

A ducj chei che i tegnin a la identitât e ai derits dal Popul Furlan

O sês invidâts di cûr a partecipâ al presidi che al sarà Martars ai 12 di Lui dal 2011, Fieste dai Patrons dal Friûl Macôr e Furtunât tacant des 6.30 di daspomisdì (18.30) indevant te Place dal Cjapitul, denant de Basiliche patriarcjâl di Aquilee par domandâ che la CEI (Conference dai vescui talians) e fasi bon il messâl roman in lenghe furlane, che al è in spiete di agns.
Chest apel, che Us domandìn di slargjâlu a plui int pussibil, al è par cui che al crôt e par cui che nol crôt, parcè che Aquilee e la sô tradizion a son patrimoni di dute la umanitât e fonde de unitât dal Friûl.
Par cjaminâ cul cjâf alt e podêsi ancjemò clamâ “Popul”.

“Furlan Nestre Lenghe Vive”
Comitât apartitic e aconfessionâl di citadins pe identitât dal FriûlCun agrât
Il puartevôs
av. Luca Campanotto

Patrie a Glemone

Gnovis

Par une volte no us segnalìn un alc di digjitâl, ma dal mont “reâl”: il Comun di Glemone al da acet ae presentazion dal numar di Mai dal mensîl “La Patrie dal Friûl”, lunis ai 30 di Mai aes 20.30, te ex glesie di Sant Michêl. Ducj a son invidâts, si podarà sore nuie vê l’ultim numar de Patrie di cerce e si podarà fâ l’abonament a presit promozionâl

Furlan… inulât li dal Osmer

  Gnovis

Voleiso savê ce timp che al fasarà doman in te Regjon Friûl – Vignesie Julie?
Probabilmentri la miôr robe di fâ al è consultâ il sît dal OSMER, che fra l’altri, al volte lis previsions par Sloven, Todesc, Inglês e Furlan.
Chest al è il leam a la pagjine par Furlan, che us vevin zà segnalât.
Il probleme però al è che al è zâ plui di un mês la pagjine in lenghe furlane no funzione plui! O vin sintût che a son daûr a rinovâ l’apalt de traduzion… Spetìn fidançôs alore, e magari provìn a lei lis previsions par Sloven, che si impare simpri alc di gnûf!

Al è rivât Ubuntu 11.04

La gnove version di une des plui famosis e dopradis distribuzions di GNU/Linux e je pronte par jessi discjamade. La novitât plui visibile e je une muse o GUI par dîle par inglês fûr par fûr gnove che secont i creatôrs e varès di incressi la produtivitât; in ogni câs, si pues simpri tornâ a doprâ la vecje muse des versions precedentis. Dongje di chest, a son stâts inzornâts ducj i programs distribuîts cu la distribuzion.

Ubuntu e je ancje daûr a jessi voltade te marilenghe par opare di un grup di volontaris; doprantlu insiemit cuntun sgarfadôr furlanizât si pues vê une biele esperience furlane ancje cul vuestri computer.

Friûl-VJ prin sul web

Gnovis

Utenti attivi su internet: Friuli-Venezia Giulia primo. Daûr di un scandai Audiweb-Nielsen sui aces ae rêt dal mês di fevrâr,  277 mila personis de regjion te fasse di etât 2-74 agns a son utents atîfs de rêt. Al è il 29,7% de popolazion, il dât plui alt in Italie. Daûr a son Lombardie (26,7%) e Piemont-Val d’Aoste (26%).

Figurinsi se nol fos il svantaç digjitâl (digjital divide) che ancjemò al impedìs di colegâsi ae rêt a tancj di lôr…