Blogstars daspò dal boom

Cablât&Content

Se i blog in marilenghe a stentin, in chei talians fat dai furlans a ‘nd è cualchi impuartante novitât.

Blogstar friulane in lingua italiana. Articolo uscito su La Patrie dal Friûl di Març 2011.

Sul numar prime o vevi fevelât dai blog furlans in marilenghe, dulà che no si môf cuissà ce, chest colp us segnali il câs di trê di lôr fats di furlans in lenghe taliane. A son nassûts tai ultins timps, dopo dal boom di Facebook che al à puartât a une riduzion dal numar di blog, come che o disevi simpri tal toc stât: screâts in timps dopo de grande espansion, duncje, a àn cjapât distès un biel sucès.
Il prin al è Il perbenista un blog che al fevele di politiche massime di Udin e de regjon. Il stîl al è dispès gjornalistichementri sore des riis, ma al à il mert di fevelâ in maniere, ancje polemiche, di cantins che tai media tradizionâi a son tratâts in maniere plui inzessade o ignorâts. Po dopo, se cualchidun al à alc di dî, i coments a son vierts: repliche e critichis, duncje, a son garantîts. Il ledrôs de medaie dai coments libars al è che si cjate un tic di dut. Nissun lu dîs, ma lu lein ducj. Continue reading

On line alc dal gnûf numar de Patrie

Gnovis

Il riviel de Joibe Grasse dal 1511 al torne ancje sul numar di Març dal mensîl “La Patrie dal Friûl”. Passât l’inovâl dai 500 agns dal sclop de rivolte, lis ocasion par tornâ parsore dal argoment no mancjin. Cun di fat, si fevele di “1511 Il Friûl de Joibe Grasse” (il librut cu la mape di Luigino Peressini publicât de Serling), ma ancje dal ultin numar dal gjornalut par fruts “Alc&cè” che al fronte chest teme, e dal blog de nestre associazion. Dongje di chestis trê segnalazions, dut câs, si presente ancje un piçul ritrat di Michael Gaismair, comandant militâr e ideolic de rivolte contadine tirolese dal 1525. Un personaç che o varìn ocasion di tornâi parsore.

Sul sît a ‘nd è cualchi toc a disposizion dai letôrs, dentri di chei ducj i tocs des pagjinis «Furlans, digjitait furlan»

iAlduti

GNOVIS

Cui che al vûl comprâ la musiche di Aldo Rossi cumò al pues cjatâle su “iTunes” e altris vot lûcs on-line tant che “Spotify”, “Zune”, “Nokia store”, “Thumbplay” e “Amazon mp3”. Lis primis a son 14 cjançons dal album concept “Furlan”. Il presit? 0.99 € par l’mp3 ugnul, 8.99 € par l’album intîr.

FEFF: la proteste viaze sul Muselibri

Il voli sul Muselibri

Tal câs de declarazions dal assesôr ae culture De Anna che al à dit che a mancjaressin i bêçs pal furlan «anche perché la Regione è impegnata a finanziare altre manifestazione, come una che costa 720 mila euro, finanziata dalla Regione per 394 mila euro» acusant cence citâlu il Far East Film festival (ma elencani i dâts che lu caraterizin), la proteste e à viazât su Facebook, che si conferme un mieç bon par dâ mût di fevelâ ai citadins.