La agne a torne a fevelâ

Il voli sul Muselibri

Torna a parlare «Tô agne», probabilmente la pagina in friulano più frequentata di Facebook. La Patrie nel 2009 svelava il mistero dell’identità degli autori.

Vuê biadelore e je tornade a fevelâ «Tô Agne» (la agne di ducj), la pagjine furlane di Facebook probabil plui frecuentade di dutis: 17.162 “mi piace” fint a vuê. La agne di cualchi timp in ca e fevele pôc: il status prime al jere dal 28 di Zenâr, fat daspò di un dai 4 di Zenâr. I risultât però al è il solit: 64 “mi plâs”, 37 coments.

Il status dal ritorno de agne? Velu: «cognoseiso el Boboroso!!!???»

S’o vês voie si savênt di plui su di jê, ve ca il toc jessût su La Patrie a Jugn dal 2009 li che si intervistavin i autôrs de pagjine. I nons a son platâts, come che a an volût fâ lôr su Facebook ripuartant il toc, ma se o lais a viodi sul sît dal gjornâl i nons a son…

UNE AGNE FURLANE STELE DE RÊT

I dipendents regjonâi che a son daûr a vaî parcè che ur àn gjavât l’acès al grup sociâl in rêt «Facebook» no podaran viodile, purtrop: a varan di strassâ vie il timp lavorant. Il gnûf fenomen di «Facebook (tornât a batiâ dai furlans Muselibri) in lenghe furlane» si clame «Tô Agne». Une pagjine intitulade cussì, cu la foto di une vecjute e une frase par furlan ogni dì, in mancul di dôs setemanis e à tirât dongje 8.000 iscrits. A ogni frasute de «Agne», passe 50 di lôr a comentin (pal 99% in marilenghe) e almancul 100 a son i «mi piace» (la funzion di gradiment).

I autôrs a son ***** di 21 agns, di Tarcint – creadôr de pagjine – e °°°°°°, 19 agns, di Dartigne. «Navigant su Facebook e viodint lis variis espressions che a ziravin, mi è vignût iniment che al mancjave il furlanon «Tô Agne!!»» al dîs *****, che cumò al è a stâ in Ingletiere. «Al è stât juste un lamp, dal sigûr no si spietavin cussì tancj iscrits e in cussì pôc timp. Magari e à judât ancje la foto di une vecjute cu la muse simpatiche come che si pues cjatânt tantis in ogni paîs furlan. E je saltade fûr daûr di une ricercje par imagjinis par inglês: la foto e jere dongje di une recipe speciâl di une salade di carotis!». Se ***** al à curât la part «grafiche», e je °°°°° chê che si ocupe dai «tescj»: une frasute in dì.

°°°°°, sorprendude di tant sucès?

O soi restade di clap! No lu varès mai crodût, lu vevi cjapât par un zûc, cussì par ridi un tic! Po o soi braurose de nestre lenghe, e fin di piçule o soi state abituade a fevelâ par furlan: o pues dî che e je la mê prime lenghe. O soi propite contente di viodi, par merit di cheste pagjine, che no soi la uniche a pensâle cussì.

Probabil che dal «lamp» che al fevele *****, i letôrs a àn cjapade la agne propit come un simbul furlan, i vuelin scuasit ben. Sintistu la responsabilitât cumò?

Po sigûr! Aromai mi soi afezionade a ducj chei che si son iscrits e che ogni dì a scrivin un pinsirut ae Agne! Par mieç di «Muselibri», jo e il gno amì o vin scuvierzût che ancje cumò la lenghe furlane e je vive fra nô zovins di vuê, che o condividìn e si ricognossìn in cheste lenghe cuntun mût di fâ mateot.

Stant che tu tu metis la frasute par furlan, ducj a rispuindin in lenghe cence nissun fastidi. Ce pensistu di chest fat?

Ancje se la lenghe taliane e je la pui doprade – soredut par scrivi – a viodi scrit par furlan al è istintîf rispuindi in lenghe cuant che si le cognòs. E par dîle dute, o soi sigure che in ognidun di nô al è un tic di braure pes nestris tradizions e nus plâs evidenziâlu cussì!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s